خواطر( أشرف الدغيدي) // (بلاش تسافر )

(بلاش تسافر )

عشان بنحبك وعاشقين
تراب رجليك

وفالغرام والهوي دايبن
ياحبيبي فيك

وبنتمي ياحبيبي رضاك
ونعيش العمر كله معاك

عايز تسافر وتسيبنا
وفحبك وهواك تعذبنا

وتتعب في بُعدك قلوبنا
وتحير فكرنا وبالنا

ونعيش حياري ليل ونهار
مستنيين جواب علي نار
يريح البال المحتار
ويصبرنا ع الغياب والٕانتظار

ولآ عشان تجيب قرشين
تهجر حبايبك سنه وسنتين
ايوه بتقول شهر ولآ شهرين
وتروح تغيب سنه واتنين

ماانت عارف ياحبيبي
مانقدرش نتحمل بعادك
وهي الدنيا تحلي
ياعمري كله الا بغرامك

ولو اتحملنا ياحبيبي غصب عنآ
مين هيصبر في بُعدك قلوبنا
ولا هيمسح دمع خدودنا

يهون عليك ياآسي تهجرنآ
والغربه تاخدك وتحرمنآ

مكنش ابداً ده عشمنا
يهون عليك ياحبيبي غرامنا

واحنا اللي كنا ياعمرى فاكرين
انك زينا مليان شوق وحنين

لو عايز تسافر سافر براحتك
بس اوعي تنسي هناك حبايبك

وملوش فايده ياحبيبي العتاب
احنا ياما اتحملنا فبُعدك عذاب
بس مش هنقدر تاني ع الغياب

مش عايزين لآمال ولا جاه
عيش معانا ورزقنا علي الله
وكفايه الحنان والحب بينا نلقاه

بنتمناك ياحبيبي علي طول معانا
دي الغربه صعبه عليك وعلينا
ودموعنا فغيابك مابتفارق عنينا

تبقي ليه ياحبيبي تبعد وتبعدنا
والفراق يبقي صعب علي قلوبنا
لو بتحبنا ياحبيبي خليك هنا

وبلاش تفكر تبعد تاني و تسافر
ياتخدنا معاك لوكنت ناوي تهاجر

خواطر( أشرف الدغيدي)