( الفجر جاى ) / بقلمي/ سعيد عباس الضو

( الفجر جاى )
مستنى بقالى مده وأقول الفجر راح يطلع
يرعب بنوره سواد الليل يخليه من وشنا يخلع
فضلت صابر ومستنى لما مل الصبر من صبرى
اتارينى بنده في قبري والفجر ما بيسمع
مين اللى قال العيب في الزمن ومش فينا
من أمتى كان البكا من الأوجاع يشفينا
العله في عقولنا مش في الزمن ياناس
تعالوا نفتش كويس ونشوف ايش فينا
طلعت فوق السحاب ابحث عن شويه نور
لقيت نجوم وقمر كله في فلك بيدور
قالولى ارجع يامغرور هتلقاه ف عقولكم
وعينكوا ع الحق واوعاكم من كلام الزور
رجعت مش عارف راسى من رجلى
وأقول يارب مفيش غيرك هينجدنى
بصيت لقيت ملاك فى السما قاللى
الساكت عن الحق شيطان يا أبنى
سعيد عباس الضو