أهلا بالعيد / بقلم/ ياسمين_عليوه

أهلا بالعيد

أهلا بالعيد وبأيامه
أهلا بالفرحه المليه الكون
دي فلوسي خلصانه عشانه
 من جزمه وساعه كمان وهدوم
وحجات كتير لسه حجبها
علشان فرحتي تكمل وتدوم
أهلا باللمه في وسط العيله
أهلا بالكحك
دي السهره معاها هتبقي جميله
مش خاليه من الضحك
وهزار وكلام
وأغاني كمان
وعيون ماتنام
إلا أما تكون
عارفه انها عاشت أجمل يوم
أهلا بخروجنا من بيتنا
أهلا بالرجعه في آخر الليل
ومواقف حلوه قبلتنا
نرجع نحكيها وبالتفصيل
أهلا بعديه العيد
أهلا بقيمتها
لازم ناخدها أكيد
ونروح نسرفها في ساعتها
اهلا بالفرحه اللي عشانه
اهلا بالفرحه في اول يوم
عن صوت الشيخ وجماله
وهو بيأذن ويقول
الله اكبر كبيرا والحمد لله كثيرا
تحس بقلب بيقولك
انا جوايا فرح وسرور
أهلا بعيال متلميه
أهلا بصلاه العيد
والزحمه كمان هي هي
 لأ دي بتكتر وكمان بتزيد
يارب تجعل أيامنا
زي أيام رمضان و العيد
#ياسمين_عليوه

كل سنه وانتم طيبين وعيد فطر مبارك