قلبي وجعني / بقلم /الشاعر كمال الدين حسين علي القاض

قصيدة 
قلبي وجعني من الأسعار

الشاعر كمال الدين حسين علي القاضي

وأهلي وخلي وكل الدار
عاوزين مني الف دولار
يشتروا بيها بس خضار
وجيبي ما فيه ولا دينار
عاوزين لحمة من الجزار
دنا متبرجل دنا محتار
قلبي قايد زي النار
وانا بطلت أجيب سجار
وربطة فجل وكيلو خيار
قالوا أنت أجيب العار
عامل نفسك رب الدار
روح اتنيل شفلك غار
قلت يا ربي أنت الستار
وسع رزقي في كل مسار
وارزق بلدي بخيرو عمار
وأحمي شبابها من الأخطار
ويبعد عنا لئام وشرار
ويلهم فكري بحسن قرار
وأحيا العزة وكل وقار
جبت الخيط فيه سنار
ورحت أصيد في كل بحار