(حقي فين) / بقلم الشاعر / حســـــــــــــــــــام ابوحمدالله

(حقي فين)

حقي فين ما تقوليلي
حقي فين ؟؟؟
ردي عليا وفهميني
حقي فين ؟؟؟

حقي يابلدي ضايع 
قصاد عيوني
انا ليا فيكي ولا ماليش
مش عارف اعيش
ولوجيت في يوم نطقت
يخرسوني ...
فهميني ...

فهميني لا حد إمتى
لاحد إمتى هفضل مليش
فيكي كرامة ؟؟؟
اناالمصري اللي ضحيت
وفي البلاد
معروف بالشهامة
أصبح دلوقتي يا بلدي
مليش فيكي قيمة

نهبوا حقي
نهبوا حقي ومصوا دمي
ماتقوليلي انتي أمي
ولا مين ؟؟؟
ريحيني حقي فين ؟؟؟

أنا باشتكيلك
انتي أمي وحاسة بيا
انتي وطني ونبض قلبي
ونور عنيا ...

لو يرضيكي اللي بيحصلي
إنكساري وألمي وذلي
أنا هبقي راضي
وحاعيش في صمت
طول حياتي
ويعذبوني .. يقطعوني
وبالسولار يولعوني
هاكتم في صوتي
ولازم أبقي راضي

ما أنا عشت ليكي
وعمري كله ضاع عليكي
ومانتظرتش أي شكر
بالعكس فخر
لما أضحي لجلك انتي
وأموت فداكي

بس أعرف .. نفسي أعرف
انتي مغلوبة علي أمـــرك
ولا كل ده بأمرك
وبرضاكي
بقلم الشاعر / حســـــــــــــــــــام ابوحمدالله