كلمة حق // بقلمي// ياسر مهدي عمرو

كلمة حق

واللي قال يا دنيا عيشنا
فيكي فرحه وابتسام

يجي لينا ويناغشنا
يحكي حتي علي المقام

اللي ضاع في دنيا ظالمه
واللي دوب اللحام

الا مافي فيكي نعمه
غير و بيها طار الحمام

الا مافي فيكي قسمه
حلوه جابها عم سام

واللي شاف في نوري عتمه
قال ازود الزحام

مركبي والفعل صرمه
كعب عالي مش تمام

دنيا فيها الكلمه نقمه
كله حاسب عندي كام

ليه يا دنيا الصمت حكمه
والعذاب مدفوع الام

قلبي جوه منه كلمه
وغيري شادد في اللجام

كل يوم استنى نسمه
تيجي ومعاها اللام

اللي قص فينا ريشنا
واللي كاتب إلتزام

واللي صوته كتير داوشنا
واللي مُره بالف عام

الف اه في الكون فرشنا
الف ضحكه والسلام

الف كلمه بيها عيشنا
والنهاية نقول تمام

الف واحد ليه غاششنا
والحق فينا ليه ينام

واللي لسه بيناقشنا

 يجي يحكي للمدام

مش بعيد هي تصدق
مش بعيد تكون وسام

مش بعيد الدنيا تغرق
وانت برضه تقول بكام

دنيا ظالمه مش بتفرق
غرب حتي او تشرق
الحكايه القلب شقق
فك ضلعه من اللحام

حاكي قلبي اياك ترقق
حاكي كلمه وفيها دقق
حاكي نفسك يوم وصدق
وابقي قولي الساعه كام

ياسر مهدي عمرو