يا سلام ع البساطة
فى الكلام قول شيكولاتة
طز فى الكبر دايما
وألف طز في القلاطة
دا الدنيا أبدا ما تحلى
غير بالتواضع والبساطة
والضحكة على الشفة تعلى
يوم ما نبقى ع البلاطة
وكل حته تبقالنا مطرح
منخفش غير من ناس شباطة
واللقمة تحلى لو بدقة
والغنوة تعلى على البطاطا
حتى لو ربك عاطيلك
أوعى تبقى سجين ألاطة
وتستنفذ رصيد سعادتك
فى البعد عن عيشة ببساطة
ياللى انت عايش متنشى دايما
إعقل بقى وبلاش عباطة
دا الدنيا فى لحظة ترحل
وتنام كدا ع البلاطة
......وائل سعيد...
ليست هناك تعليقات:
إرسال تعليق