السبت، 6 أكتوبر 2018

جندي أنا // شعر// خالد إبراهيم



جندي أنا
شعر/خالد إبراهيم
***************
جندي أنا وبكل فخر
ومهنتي
أحرس تراب الحرة مصر
شايل سلاحي ومخلتي
ما يهمنيش
الجو برد وألا حر
صيفي شتا .وشتاي صيف
ما يهمنيش شكل الرغيف
كبير صغير مش مهم
بس المهم أرض الوطن
نحمي حماه في الشدايد والمحن
واسمي وجيه
وفصيلة الدم ف بطاقتي B
الأم مصر والأب مصر والجد مصر
وعمري ما حلمت يوم
أسكن في بيت أو حتى قصر
ساكن في خيمة ع الكنال
وهدومي سترة وبنطالون
متعاصة من رمل الجبل
وغطاية شمس تضمني
ما أعرفش غير كلمة سلاح
يلمع في ضي الشمس
ما يهاب الرياح
أنا اللي عارف إن بعد الليل نهار
وأنا اللي شامم من بعيد روايح الانتصار
وأنا اللي شايف نور ف وسط الانفجار
وأنا يوم ما خدتش ع الهزيمة والانكسار
أصلي حسيس ومن السويس
أصل الشهامة والشجاعة ف طبعنا
جندي أنا
جندي أنا
جندي أنا

بواسطة -

ليست هناك تعليقات:

إرسال تعليق

الاشتراك في: تعليقات الرسالة (Atom)