؛
وياما كتير وشوش
-----------؛
ألبس قناع
وأقلع قناع
وياما كتير وشوش
وكأن ف يوم ما كان
ف بالى ألف مكان
روحته وما شفتهوش
ف البحر سمكة
ما أبطلش حركة
وايه يعمل بين القروش
عايش بحارب
لؤم التعالب
وياما حيتان بكروش
وكتير ديابة
حياتهم دى يابا
يخافوا ما يختشوش
وكتير بيوت
بخيوط عنكبوت
لحظة وتروح فاشوش
دى دنيا غابة
فيها الغلابة
يتاكلوا ولا بياكلوش
وف كل بيئة
كام شيخ طريقة
يتلون ولا يهموش
وعلى كيف السوق
يطبل كمان يسوق
العبط ولا تفهموش
متدين وعلمانى
يقول عال م انى
أولى ولا يتكسفوش
دنيا المصالح
فيها صالح وطالح
كتروا زى الهاموش
والبس قناع
وأقلع قناع
وياما كتير وشوش
---------؛
بقلم / عادل شعبان
ليست هناك تعليقات:
إرسال تعليق