اللهم اني صايم // بقلمي// رضا ابو شنب

الموظف في الصيام
في وظيفته جاي ينام
وان في مرة شوفته صاحي
يبقي وقته يضيع كلام
بين مسلسل يعجبه
او قصيده في الغرام
او صديقه ياعيني دايما
اللي خايف من المدام
او هنفطر ايه النهارده
الفريك جوا الحمام
والمواطن كعب داير
والمصالح مش تمام
تيجي مره تقوله عيب
يا موظف مش كلام
يغمزك صاحبه يقولك
سيبه بيسلي الصيام
مش بنفهم دينا خالص
يا جماعه ده حرام
......
اللهم اني صايم
رضا ابو شنب
مصر