زجل مغربي // بقلمي // يزيد علوي اسماعيلي

زجل مغربي

رسالة لكل ملحد

قرِّب و اسمع يا هذا
يا لِّي تنكر ف الشَّهادَة
قرَّب لي و خُد إفاذة
و لا تخَلِّي عْنادك عادة

يا الناكر ف خالق لَعْبَاد
و يا التابع طريق الإلحاد
سال عقلك سال الفؤاد
كيف لَمْرَة ترضَّع الأوْلادْ

سال العالم و سال الطبيب
مْنِين أمك جاها لَحْليب
دليل قوي و ما فيه الرِّيب
جّواب عليه تلقاه صعيب

دجاج يبيض و ما يحلب
الفرخ ف الرضاعة ما يرغب
شوف إعجاز رضيع تَّوْلد
على البَزّولَة تراه يقلَّب

شْكونْ لِّي علمو يا هذا؟؟
مِن اول يوم وِلادَة
يعانق ثدي الوَلادة !!
ولما يجوع يطلب زيادة

حاجة أخرى نقولها و نْعِيد
و كلامي حامل توْكيد
لٍمَن يرى الدين غي تقليد !!!
و بْ ( دَارْوِينٓ ) يغرّد تغريد !!!

نمشي معاك لأبعد حد
و لكل سؤال نعطيك الرد
يلا الإنسان أصلو قرد !!
علاش القرد ما تطور بَعد ؟؟؟

لا تقول عالم و يجدَّد
و فيه نتا تشكر و تمجد
لا أحد في العلم تفرد
استغفر الخالق و وحّد

شوف راسك كيف تتنفس
بْدون ما ترغب بْلا ما تحس
و ما تحْبَس لمَّا تنعس
قدرة الله فينا تحرس

عُدْ لله و اطلب الغفران
و اترك طريق الخسران
راه الله كرم الانسان
اما الشرك سبابو شيطان

يزيد علوي اسماعيلي