ومع أول نظره ف عنيها نسيت الكلام // بقلمي// سعيد عباس الضو

 ومع أول نظره ف عنيها نسيت الكلام
فضلت سارح كأنه اتمسح منى العلام
مش عارف أقول الله
من اللى شايفه ب عنيا
ولا أقول الآه م اللى جرى فيا
نزلت عليا سهام الله
قيدت منى اللسان
وفضلت حيران لمده دقايق
وأسأل فى نفسى
أنا فرحان ولا متضايق
هو أنت صابك خرص
ولا جنان
لكن بكل حنان
فتحت لى هيا طريق
وقالتلى كلمه تبل الريق
كأن بدر من السحاب برق
فلقيت لسانى انطلق
كما حصان رهوان
واتفك منه العنان
وقلت إنت قمر ولا حوريه
ولا ملاك بالقدر فجأة ظهر ليا
ولا حقيقى بشر ولا جنييه
قالتى حيلك شويه واسكت
ربنا يهديك
انا أعتبر ده غزل ولا تماحيك
قولت لا ده غزل ياللى غزاتنى عنيك
أنا كنت قبلك راهب
تارك حياه البشر
وماشى في ملكوته
لما لقيته واهب ليك شىء
من جماله فحبيته
ف وهبت روحى إليك
ياللى عنيك مليانه أسرار
العقل فيك احتار
لو قلت أجمل م القمر
والله منا غلطان
ولو مش كلامي سليم
ليه القمر غيران ؟
سعيد عباس الضو