انا والفيس بوك // بقلمي// رضا ابو شنب

انا والفيس بوك
الكل قاعد يلك
وتقله يابني
اشتغل يقولك
سك علي البوك
وتيجي تدخل عليه
يقولك تشعر بايه
وتقوله مني فك
واللي يدايقك فيه
اقعد غلس عليه
وبعدين اعمل
بلوك
ده عالم افتراضي
والكل عنه راضي
والكل فيه بيحك
كله لابس قناع
حتي الصورة خداع
واللي يصدق فينا
يبقي عليه مضحوك
صغير عامل كبير
وشايب عامل صغير
واللي عايز يطير
ويرمي لينا الهوك
اللي عامله راجل
واللي عامل ست
واللي عاملين شباب
وفي مشيته بيذك
الكل هربان هناك
وعايز تلاقي ولادك
الكهربا تقطع
او الرواتر يسك

..............
رضا ابو شنب
ميت غمر
١٣/١/٢٠١٨