قعدت استناكى طول ليلى // بقلمي// سعيد عباس الضو

قعدت استناكى طول ليلى
ومعايه من الأمل فدادين
ولا دب اليأس في قلبى
ولا غيبتى عن جفون العين
ولما يغلبنى الهوى والشوق
أقول بكره الليالى جايين
وابص للقمر من فوق
والاقى النجوم حايرين
اقول أكيد هما كمان زيى
على بعدك مهش صابرين
وبين لحظه والتانيه
يخدنى الخيال فيكى
واسرح ازاى اراضيكى
ماهو انتى العمر وعنيكى
دليل قلبى اللى كان حاير
ولا عارف طريقه منين
وتايه كان من قبلك
وسافر من مده وياكى
وانا خايف على قلبى
يكون مش جاى
ومن غيرك ومن غيره
أعيش ازاى
وانتى سفينتى وشراعى
وقبلك نبض احساسى
وفيه مرساى
وانتى الفجر وبكره
وانتى مساى
وانتى الحلم والذكرى
وانتى هناى
وانتى اللحن والفكرة
وانتى الناى
وانتى معايه يعجبني
تمللى غناى
وهفضل استنى ميت بكره
بشرط تكوني معاى
سعيد عباس الضو