الناس إللى كات نايمة // بقلمي// أبو جنى المصرى

الناس إللى كات نايمة
وبتلوم على اللايمة
وتنادى ع الصاحيين
فين روحتوا .. فين كنتوا
ليه بعتوا ما صنتوا
سيبتونا ليه نايمين
خليتوا الولا حاجة
بيعمل أى حاجة
فى الناس العدمانين
خلَّى الجفا سُنة
والطين بقا حنة
والعدل ظلم مكين
يبقى إحنا ليه نصحىَ
وتزيدوا ليه النُصحىَ
شوفوا غيرنا ناس تانيين
يا معزيين فى الشرف
الوعد غيم إنحرف
والكلمة عهد ودين
بعتولنا ليه الأمل
وفتحتوا جرح إندمل
وملكتوا فينا العين
شدينا خط طويل
وكتبنا فيه مواويل
فوق راسنا شيلنا الطين
يكفيكم إللى إتظلم
من جيل وراه ميت جيل
شوفوا غيرنا ناس تانيين
..............................أبو جنى المصرى