الثلاثاء، 29 أغسطس 2017

أنت فاكر لو مشيت / بقلمي/ أحمد طلبه

أنت فاكر لو مشيت
إني هضعف وانهزم
دانت لاء هتكون بنيت
بنا سد ما ينقسم
مش هكون لعبه بإيديك.
لو لزم هقسي عليك
ألف عيب لقيته فيك.
دلوقتي لازم ينحسم
قلبي كان منك وجعني
وانت ولا همك مشاعري
وإن في مره تكون سامعني
إحساسك بيا بينعدم
وكنت بتحمل عشان
مبقاش عليك أنا والزمان
لا بتعترف تقول غلطان
فالعدل إنك تتظلم
====•====•===
إنت فاكر إن حبي
ضعف مني
وذل ليك
ولا فاكر لو تفوتني
أنكسر وأجري عليك
وابقي عايشه كمان وهاديه
تجرح مشاعري وأبتسم
ليه عايزني أبقي راضيه
فيك تملي أتصدم
وكنت بتحمل عشان
مبقاش عليك أنا والزمان
لا بتعترف تقول غلطان
فالعدل إنك تتظلم
====•=====••==
كل لحظه عشتهالك
منها لازم تنحرم
يمكن أكون مش. مكتوبالك
ليه معاك أنا أنظلم
أنا مش ضعيفه بوحدتي
لكن دي هي شخصيتي
لو كنت ناوي أذيتي
يبقي أنت لازم تنهزم

لو كنت بتحمل عشان
مبقاش عليك أنا والزمان
لا بتعترف تقول غلطان
فالعدل إنك تنظلم
==============
أحمد طلبه
٢٠١٧/٨/٢٩

ليست هناك تعليقات:

إرسال تعليق