تداولوا القلومه / بقلم / ادريس جبيلو المغرب

تداولوا القلومه

تداولوا القلومه
وتفرقوا ع المحابر والدوايات
شي هز الرقومة فين انتوما
وشي تلف ع الروايات
شي ماقدر فطومه
حيت كتبيع غير مليويات
شي ماحشم بالحشومه
وشي غ عصا ولابسة الرايات
شي رفد المشؤومه
وگالهم هاكو آلزوايات

تداولوا القلومه
وتفرقوا ف سطور لوراق
وصبحت الحومة
مبنيه بلا وتاق
ياريوس الدمدومه
واش عقلكم معاق
ديروا مادارت الدومه
وبارك م النفاق
كل وحده سارطه بلعومه
ماتخاف من التشفاق

تداولوا القلومه
وتفرقوا ف صنصال اللواح
الكلمه المعلومه
حروفها باحت آاأااااح
ف الكنانش مرسومه
ماتكشف ماتوضاح
تعيش حياتها مضيومه
ينزف دمها م الجراح
ياربي وكينديروا لهاد القلومه
سرهم علينا راه راح

بقلم ادريس جبيلو
المغرب