:::::::::::متسبهوش::::::::::::::
ورغم الحر والولعه
وطهبوجه الهوى هابب
شده المريله و طالعه
ياريت كل ده وعاجب
ورغم الصوم فارد حره
وبتشر العرق بِركه
حمل تقيل عايز جره
وفيها الصحه والبَركه
وقطّع ف البصل وابشر
هات تقشير يا بطاطس
وبسمه عليها بستبشر
وحنيه وحنان غاطس
وعصر القوطه ف الخلاط
وتقليب الرز متعمر
وكام زحليقه آه يا بلاط
وبتضحك و تتمرمر
وتشويح الفرخه يا طاسه
وطرقعة الزيت واللسعه
وجايبه الورد والفازه
وحاسس دنيتي واسعه
تحيه كبير من قلبي
ياست البيت فوق راسي
مع مودة كمان حبي
على شطك انا راسي
بقلم فهد النحراوي
يا حمايا اعرف منين حماتي حرقت الطبيخ
ليست هناك تعليقات:
إرسال تعليق