يا عين....يا ليلي / بقلمي/ إسماعيل هريدي

يا عين....يا ليلي
يا ليل...... ياعيني
يا عيني...... ميني
تعالى شوفيني
بقينا بناكل السمك صيني
راح فين بلطيا
راح فين سرديني

طيني في طيني
معادش نيلي

ولا أسمه نيل
بقا خيط طويل
دايب ذليل
ومواتير دايره بسكاكين
تدبح سمكي وتعكر طيني
بقا أسمه تشيني

وتشاو شاويني
الجوع كاويني
يا حكومه صيني
تعالي أدبحيني
تماسيحك كلوا كل السمك
حتي الزراريع صادوها بشبك
والشبك شبكني
وأنا اللي مكني ابرها متني
بجروح صابتني وخرمتني

والتني تنايا
ردوا ورايا
وعزوني يا حبايب
في بلدي وغايب
مليش نايب

يادي المصايب
علي حصلك
يامصر يا ختي
ياللي اتلبختي
حكومه ورا حكومه
آخر شطاره
في البيع بخساره
وإيه فاضلك ما باعوكي كلك
برك وبحرك
ارضك وجوك
واللي أشتراكِ هو عدوك

إسماعيل هريدي 2017/06/30