عينى عليك ياسيد يا صادق/ بقلم/ يسري عمران

عينى عليك ياسيد يا صادق
 --------

شكلى يصعب على الكافر
باغلب الدنيا بإيديه وبالحافر
تلاعبنى والاعبها وبنعافر
وابدَّر بالوداد بدرى
واكسر نافة السقيه
واعلقها على كتافى
وأخضَّرزرع متعافى
بيكسرنى الم فيرس
واقول يارب ياشافى
ياريت ماتقولش انا الغلبان
انا الفارس بشهادة الميدان
لولا الوحده ونومة القهر
وباتمنى طلوع الروح وضمة قبر
حساب ملكين يحاسبونى
حاشوف الفرحه ف عيونى
واحساس فخر
منا حقى فى الدنيا على سطر
وسايب ميت سطر
ف لما اموت تهنونى
وشوفوا البشرى ف عيونى
شكلى حايفرح الحزنان
منا رايح ومطمن لبر أمان
وصيه منى يا انسان
لا تشغل بالضنا فكرك
ازرع بالامل عمرك
ودفى الزرعه تكبرلك
وراضى الناس حاتشكرلك
وإرضى بالنفس والميه
إسقى الورد حنيه
وعبى م الامانى حفان
 وتبقى البسمه بر أمان