الجمعة، 19 مايو 2017

مش حترجاك / كلمات / ايمن عزالدين سكوري

مش حترجاك
 
●○●○●○●○

ياللي ماحستش بحبي مش حترجاك
مهما داب فيك قلبي يقدر ينساك
●○●○●○●○●○●
الحب خلاك في عيوني يا حبيبي ملاك
رغم قساوتك وغرورك قلبي اتمناك
وكان أمله من حبك كان بس رضاك
ياللي محستش بحبي مش حترجاك
●○●○●○●○●○●
كنت ببين لك شوقي ساعة ما ألقاك
وانت حلفت تمشيني فوق الأشواك
وحرمت قلبي يشوف فرحة ويعيش دنياك
ياللي محستش بحبي مش حترجاك
●○●○●○●○●○●
مهما كنت حبيب عمري وشددني هواك
حخاصم قلبي علشانك لو مرة ناداك
وحداوي آهاته وتنهيدته من مر أساك
ياللي محستش بحبي مش حترجاك
●○●○●○●○●○●
يا قلب باكى على حبه  كان إيه وداك
تمشي حزين فى طريقه  وتبكيلى هناك
ولا حسك ياقلبي ف مرة ولا حس بكاك
ياللى محستش بحبى مش حترجاك
●○●○●○●○●○●
كلمات / ايمن عزالدين سكوري
من ديوان ( خميلة الوادي )

ليست هناك تعليقات:

إرسال تعليق