تخاريف
بقلم //أحمد البدري
وشعرت لما مس كفى كفها
انى اذوب صبابه وحبورا
ونسيت ان العمر حلما زائلا
وشعرت انى قد حييت دهورا
دا البيت كلنا عارفينه
#تخاريف
#وشعرت لما مس كفى كفها
بالحلم قرب ينتهى
همسك ايديها ازاى وامته
البرد واكل جتتى
امسك انا ف طوق النجاه
واحضن بايدى مخدتى
ومع انى عارف انه حلم
لكن مصدق كدبتى
#انى اذوب صبابه وحبورا
والعشق غنوه بتبتدى
كلماتها لحن محبتى
دايب ف حبك زى ملح
صابر عشان يبقالى فرح
#ونسيت ان العمر حلما زائلا
والعمر مركب
جايز شراعه تبقى مايله
حبه سنين متسرسبه
طعم الفراق زى اللقا
الاتنين امل
الاتنين وجع
حبه حاجات مع عكسها
#وشعرت انى قد حييت دهورا
الثانيه جمبك عمر جى
شوفى بقا كام ثانيه جمبك عشتها
وبطرح الحزن من الافراح
اطلع كسبان
وبقسمه بكره ع امبارح
اطلع خسران
معروفه ان الحلم مفارق
ف متحسبهاش
#كلماتى وتخاريفى
ليست هناك تعليقات:
إرسال تعليق