((((( تخيل )))))
تخيل زاد العمر الف عمر يوم لقيتك
و تعطر الزهر يا عمري برحيق مرعاك
تخيل إني من الف عام و عام تمنيتك
قبل ما أخلق يا غلاي قد تمنيت لقياك
أسرتني بجمال الحسن يا هناي فديتك
وبكمال الذوق جعلتني يا غرام أفداك
لو تبي الروح يا سيدي الروح عطيتك
ونجم سهيل بسقف السما لو به رضاك
من زود حبي لك جعلت قلبي بيتك
تسكن به وتعيش يا عمري بغلاك
أعصى الكون كله و إنت ما عصيتك
إشلون أعصاك و عصيانك للروح هلاك
لو قلت الشمس تشرق بالغرب راضيتك
كفاني حبك و غرامك ما دمت بسماك
مالقيت بالكون كله حسن قبلن رأيتك
و لا راح تلقى الروح جمال مثل محياك
من صدر الغرام ياغرامي تراني ناديتك
بصوتي لجل ينظبط مسراي بمسراك
تشهد دنياي على صدقي إني بغيتك
تاج لراسي و شمس تنور طريقي معاك
صار العمر يجري من يوم إلتقيتك
وصرت أسابق الزمن و أتمنى مبتغاك
لو غبت عني لحظة بعمري تحريتك
وأشق السما فرح لجل أصافح يمناك
من غلاك يا بعد هلي بعمري شريتك
وبعت الكون كله لجل شمسك وضياك
صار النجم يكتب أحبك فوق حيطك
والقمر على شكل قلب مرسوم بهواك
حيرتني قبل البشر و بحيرتي إرتجيتك
لا تعذب الروح يا غلاي اليوم بفرقاك
خلك معي وزيد الوقت شوي إنتخيتك
تراك غالي على القلب و يا زين رجاك
لو تبي الروح فدوة لك تراني أهديتك
يرخص العمر يا عمري لو تبيه جاك
إيش يسوى العمر وأنا من روحي بريتك
دام كل ما فيني يا سيدي يعشق خطاك
صائغ القوافي الشاعر
فهد بن عبدالله الصويغ
4-1-2017
ليست هناك تعليقات:
إرسال تعليق