** فينك يا فرحه**/ بقلمي/ وليد النميري

** فينك يا فرحه**
فينك يافرحه وحشتيني@
محتاجلك تحليلي سنيني@
مستنيكي في يوم تجيني@
ليكي فارد إيديا ضميني@
بنادي عليكي جاوبيني@
بحبك يافرحه حسيني@
@@فينك يافرحه وحشتيني@@
يافرحه أنا قلبي في إنتظارك@
بحلم فيوم أسكن دارك@
وتبحر سفينتي جوه بحارك@
وأنقشلك إسمي علي محارك@
وتظهر ملامحي فيها آثارك@
وتشرق حياتي بأنوارك@
@@فينك يافرحه وحشتيني@@
يافرحه نوعك من نوعي@
أنا ضحكة بتداري دموعي@
كتر البكاء طفا شموعي@
والحزن عشش في ضلوعي@
والهم كسرلي قلوعي@
بتمني ليكي أنا رجوعي@
@@فينك يافرحه وحشتيني@@
شفايفي مشتاقه ترسمها إبتسامتك@
حروفي محتاجه تتوه جوه صمتك@
بريشةمن ضلوعي في قلبي رسمتك@
تسألي و تقولي مالك أقولك سلامتك@
@@فينك يافرحه وحشتيني@@
يافرحه فينك أنا مش لاقيكي@
بعتيني ليه وأنا مشتريكي@
ليه بتفوتيني وأهون عليكي@
وأنا عشت عمري مشتاق إليكي@
محتاج ألون أيامي بيكي@
وأرسم حياتي بكفوف إيديكي@
@@فينك يا فرحه وحشتيني@
يافرحه في بعادك حاسس إني وحيد@
ومهما ضحكت برضوا أنا مش سعيد@
إستنيتك يافرحه في كل يوم جديد@
يافرحه قربيلي وماتخلنيش شريد@
@@فينك يافرحه وحشتيني@@
عارفك يا فرحه فيوم جيالي@
بس إعذريني علي إستعجالي@
ما إنتي أكيد حاسه بحالي@
وعارفه فبعدك أنا إيه جرالي@
حياتي من غيرك ما بتحلالي@
مستنيكي يافرحه تريحي بالي@
ولا إنتي يافرحه مش مكتوبالي@
@@فينك يافرحه وحشتيني@@
تحياتي
 وليد النميري