نزلت أتمشى في الشارع
لقيت فيه ناس كتير ماشيه
وناس أقدامها مش راسيه
وناس لهمومها مش ناسيه
وناس وهدومها مش كاسيه
وناس ماشيه كثير حافيه
وناس ضحكتها بالعافيه
دا شاب ماشي يتمختر
عايق ولابس توب عنتر
دا عجوز وماشي بالعكاز
ونزوله فيه ستين إنجاز
ودي أم ماشيه وساحبه عيال
متكربكه وشايله الاحمال
وست ماشيه بتتغندر
بارفان وجسمها متعطر
وكل ده وانا كنت بعيد
ولما بصيت لوشوشهم
لقيت كل الوشوش تجاعيد
ملقيتش فيهم حد سعيد
حتى الوشوش المبتسمه
فيها الوجع جوه البسمه
والكل خايف من بكره
والكل عايز بكره بعيد
وحتى لو كان فيه يوم عيد
خلينا ف الحاضر احله
أحلامنا وقعت ف الوحله
وياريتني ما نزلت الشارع
ولا كنت يوم قلت اتمشه
خليني ف الهم اصارع
يكفيني اشيل ف هموم نفسي
وكفايه م الهم مواجع
وتوبه لو كنت اتمشه .
محمد عميره .
ليست هناك تعليقات:
إرسال تعليق