الراعى فى خمسه باب
( 1 )
الفجر ليه طالع حزين
والليل بيتحدى النهار
والصبح حاسس بإنكسار
والشمس عينها مدمعين
وصهدها طالع مرار
ليه الأمل بقى عنا غايب
مش عايزنا نكون حبايب
والربيع رافض يخضر أرضنا
والبدر بيوشوش بشوقه للنجوم
قال مين ؟ . ومين ؟
! ؟ عاوز يفرق شملنا
والليل بيتحدى النهار
والصبح حاسس بإنكسار
والشمس عينها مدمعين
وصهدها طالع مرار
ليه الأمل بقى عنا غايب
مش عايزنا نكون حبايب
والربيع رافض يخضر أرضنا
والبدر بيوشوش بشوقه للنجوم
قال مين ؟ . ومين ؟
! ؟ عاوز يفرق شملنا
( 2 )
السمك ماعادش يضحك
لما موج البحر خالف
كل وعده
وقال هاينشف
خاف السمك إنه يموت
لو الشطوط فتحت بيبانها
للميه تخرج
هيبقى كله زى بعضه
البساريه تبقى حوت
صابها حاله مـ الذهول
وكله ملتزم السكوت
حتى بصوا لبعض قالوا !
مين همه يخلص مننا ؟؟
لما موج البحر خالف
كل وعده
وقال هاينشف
خاف السمك إنه يموت
لو الشطوط فتحت بيبانها
للميه تخرج
هيبقى كله زى بعضه
البساريه تبقى حوت
صابها حاله مـ الذهول
وكله ملتزم السكوت
حتى بصوا لبعض قالوا !
مين همه يخلص مننا ؟؟
( 3 )
الكل سهران
والعيون ما داقتش نوم
لما إختفى الحلم فـ منامهم
وبيعملوا من صبرهم دوا لألامهم
عجزوا الأطبا يداووا فيهم
ومش لاقيين رد لكلامهم
صدروا لغيرنا الدوا
وجابولنا منهم سمهم
ياظلمهم
فى عروقنا خلوا الدم ميه
وسابوا بس دمهم
وحَجَرُوا حتى عـ الهوا
وخلونا ناكل بعضنا
والعيون ما داقتش نوم
لما إختفى الحلم فـ منامهم
وبيعملوا من صبرهم دوا لألامهم
عجزوا الأطبا يداووا فيهم
ومش لاقيين رد لكلامهم
صدروا لغيرنا الدوا
وجابولنا منهم سمهم
ياظلمهم
فى عروقنا خلوا الدم ميه
وسابوا بس دمهم
وحَجَرُوا حتى عـ الهوا
وخلونا ناكل بعضنا
( 4 )
الراعى آمن للذئاب
وياخوفى عـ الغنمات
مـ الديب
بكره ياكلهم أى ديب
ويحلى بعده بـ الصغار
الغدر طبع الديابه
والغنم عندك غلابه
يا أبو الكآبه
بلاش يفرق الديب مابينكم
ويضعف غنيمته
بلاش تمحى فـ أسودك
عشان تضمن سلامتك
إقطع رقابته
دا لسه وراه شلة ديابه
بلاش تخلى الضحيه سهله
دى ديابه واعره
بس لو ناوى تبيعنا
والخريف يكسى ربيعنا
وتضحى بينا
خلى دبحك قبل سلخ جلدنا
وياخوفى عـ الغنمات
مـ الديب
بكره ياكلهم أى ديب
ويحلى بعده بـ الصغار
الغدر طبع الديابه
والغنم عندك غلابه
يا أبو الكآبه
بلاش يفرق الديب مابينكم
ويضعف غنيمته
بلاش تمحى فـ أسودك
عشان تضمن سلامتك
إقطع رقابته
دا لسه وراه شلة ديابه
بلاش تخلى الضحيه سهله
دى ديابه واعره
بس لو ناوى تبيعنا
والخريف يكسى ربيعنا
وتضحى بينا
خلى دبحك قبل سلخ جلدنا
( 5 )
قاموا العزا والفرح
حدانا
واحنا حزنا لعزاهم
مفروض علينا فرحهم
حتى واحنا حزانا
عايزينا نكون بلياتشوا ليهم
نسعد حياتهم
وكل هدفهم جفانا
بيطردونا من بيت أبونا
ماحدش ينطق بكلمه
خدوا من عينينا نورها
وسابوا لينا بس ضلمه
ملعون أبوهم كلهم
اللى عايزينا نعزهم
وهما عاشقين ذلنا
واحنا حزنا لعزاهم
مفروض علينا فرحهم
حتى واحنا حزانا
عايزينا نكون بلياتشوا ليهم
نسعد حياتهم
وكل هدفهم جفانا
بيطردونا من بيت أبونا
ماحدش ينطق بكلمه
خدوا من عينينا نورها
وسابوا لينا بس ضلمه
ملعون أبوهم كلهم
اللى عايزينا نعزهم
وهما عاشقين ذلنا
الراعى فـ خمسه باب
ياسرعيد
ياسرعيد
شكرا جزيلا لرقى اهتمامكم أرق تحياتى
ردحذف