((((( أحبك تراضيني )))))/ بقلم الشاعر/ فهد بن عبدالله الصويغ

((((( أحبك تراضيني )))))

تدري لا زعلت أحبك تراضيني
ولا عني ثقلت يزداد الهم الفيني
وقت الزعل أترقب دايم مرورك
و أزداد حره لا تجاهلتني بحضورك
أغتاظ منك و أقول ما عاد تحبني
ودمع عيني من غرامك يهزني
أختلق الفرص لجل أجي أتأكد
أقرب منك شوي و أحيان أبعد
أتعجب منك إشلون قدرت تصبر
و تتحمل البعد وصرت ما تعذر
أسأل نفسي إشلون قدرت تبعد عني
وإشلون قدرت تبتعد وإنت  مني
ما عرفتك قاسي القلب يا غلاي
و إنت تدري إن حبك كل هواي
وفي قمة اليأس و بلحظة إختناق
ألقى إيدينك تسحب إيديني للعناق
تشدني و تقول لي حبيبي أسف
مدري ليش أقبل و أنا توني حالف
لكن الصلح أجمل بكل الظروف
ألقى روحي بأحضانك وأنا ملهوف
أحس روحي بكياني عادت تستقر
وإن حبنا رجع بطريقة يستمر
لحظة تراضيني أنسى كل الجراح
أحس بغلاك فيني ومن الهم أرتاح
يجيني الفرح وأنسى هموم الكون
ولا يهمني بعدها ويش ما يكون
أنسى الغلط و أتذكر حبك وهواك
وأتمنى من ما يضيع مني  غلاك

صائغ القوافي الشاعر
فهد بن عبدالله الصويغ
 29-12-2016