اقلك ايه يا قلمي/ بقلمي/ الحمد لله الحمد لله

اقلك ايه يا قلمى وأنت عارف كل حاجه
بمجرد أن القلب يدق بتعرف أن فى حاجه
تعرف يا قلمى أنت إللى باقى والكل عندى ولا حاجه
هكذب عليك يعنى آه صحيح كنت فاكر نفسى حاجه
بس إللى جوه النفس كانت عندى كل حاجه
كنت عايش على الأمل بس الأمل اتكسر زى الزجاجه
كنت فاكر أن الوفاء فى الطبع مش محتاج أى حاجه
اتريه الطبع غالب واللى غلب ما فاز بحاجه
كنت بقدر كتير ومش فارقه عندى أى حاجه
تعرف يا قلمى كنت فاكر زمان أن القلم الرصاص بيملوه من الزجاجة
وأن الحبر لونو أزرق والسواد لون الزجاجة
كانت الأيام بريئه والطفوله كل السعاده
خلاص كبرنا ونفس الشوف بقينا نشوفو وزياده
بقينا نشوف قلوب زى السمك ألوان جميله
بس الزفاره للأسف فيهم زياده
جربنا ناس وناس كتير من كلامنا فكروا أنهم هم دول بس السعاده
تعرفى ياقلمى نفسى أكتب كلام كتير
واخاف تزهق أو تقول هو فى حاجه
أنت صاحبى وحبيبى إياك تزهق أو تقول بزياده
لسه مكملناش يا قلبى فين الحبيب وفين الوساده
هنقول ايه ولا ايه فات الأوان ومفيش فايده
بكره يا قلبى نكملو ونكتبو لو كل حاجه
نكتبو أن الدمع مر والمرار بالنسبالو ساده
نكتبو أن الموت أرحم من نفس تركت العياده
وراحت فى وهم الدنيا ولو أخدت كل حاجه تطلب تانى زياده
هى النعمه لما تزول يعرف العبد العباده
زى الست لما بيموت زوجها تشرب قهوه ساده
وفى العزا يجى الخسيس يطلب اليد بسعادة
هى ايامنا غريبه ولا احنا عايشين فى غابه
 معلهش نسيتك يا قلمى قلى أكمل ولا الناس تحتاج زياده؟؟؟

#شاعرمجهول