من ابسط حقوقي يامصر / بقلم / محمد سالم

من ابسط حقوقي يامصر
اني اقدر فيكي اعيش
مش عايز اعيش في فله او قصر
انا عايز اشبع بس بالعيش

استريني في اي مكان
عايش في قرف وصابر
حرام ترفعي ناس في العنان
وناس من فقرها ساكنه المقابر

طفل يدرس في مدارس لغات
وطفل من قله الاهتمام مات
طفل ابوه يجبله كل شهر بدله ماركه
وطفل ممنوع يتفرج عليها في المحلات

ناس نايمه علي سريها ومتغطيه بحرير
وناس منتظره رحمه من اللي عندهم ضمير
ناس نايمه في الشوارع وفي الجوامع
طب الكبير يتحمل زنبه ايه الطفل الصغير

مش هوا ده اللي عايزاه يحميكي
فاقد الشئ لا يعطيه ازاي هيديكي
زنبه ايه يعيش طفولته علي الرصيف
ولا زنبه يا مصر انه اتولد فيكي

ولا ابن الغني له نفس وده يا مصر ملوش
وياريت رحمينه كمان لا الناس عليه بتدوس
انا شفت منظر لطفل نايم في شوارعك
قلت ملعون ابوكي يامصر وابو الفلوس

قلم . محمد سالم