قصيدة بعنوان نبض ...
شعر محمد الطنطاوي
********************
وأنا حيلتي إيه غير نبض
بيدق جواكي
وحنين يدوب ف الوجد
ويحن لهواكي
ألقي ابتسامة ضني
محفورة ف سماكي
وبتنكري صحبتي
وعيوني عارفاكي
ليه روحي طايلة السما
وماكاتش شيفاكي
*********
ياحبيبتي ليه ضحكتك
بتداري علي دمعك
وبلاقي ليه غربتك
محفورة ف ملامحك
ده أنا من زمان سكتك
وأنيني من جرحك
والله بنسي الأسي
وبروحي أرجعلك
وأدوس علي محنتي
وأفضل أشيل همك
وأرسم عنيكي دليل
يا بلادي وأنداهلك
ليه جلد وشي اتحرق
وأنا بترمي ف ضلك
شعر محمد الطنطاوي
8/9/2016
ليست هناك تعليقات:
إرسال تعليق