اترجى ليه ...
بقلم / شاعر مجهول
~~~~~~~~~
حد يبقى جمب منى
أو يجى لقلبى يوسيه
هو قلبى يعنى مات
ولا الغدر اثر فيه
واترجى ليه
أنا قلبى علمتو يصون
حتى لو حد باعو يشتريه
لأن قلبى ده كبير
ويود لو قلب ياذيه
من طيبتو فكرنى ميت
وأنا إللى عايش بمشى بيه
حد يقلى اترجى ليه
كل النفوس فيها ضماير
وأنا ضميرى راضى عليه
لا مره خنت أو غدرت
مفيش عندى شىء اخبيه
اترجى ليه
القلوب الطيبه فيها الأمل
والخبيثه ليها يوم تندم عليه
قالوا أيامنا دول بدون أسامى
وقلبى كان ليك وطن وكبرت فيه
جى دلوقت فى شبايك
تهجر البيت إللى صانك وتمحيه
اترجى فيك تانى ايه
قلبك إللى فيك مات والنظر
فيك اتعمى مبقتش واثق أنا فيه
اترجى ليه
قلبى علمتو الكرم حتى إللى باعو
لو احنا جو بسرعه يمدلو اديه
أنا بذاتى كده مرتاح
ولا فى شىء هندم عليه
ربى ما تشوفو الوجع
ولا قلبكم يحس بيه
#شاعرمجهول
ليست هناك تعليقات:
إرسال تعليق