قصيدة / ( قوم للعمل )
بقلمي / هدى سيد
٢٠١٦/٦/١٤
إرمى الكسل من ع الكتاف
إنهض وقوم وكفاية نوووم
فتح عيونك شوف جمال
مستقبلك
يا ابنى الحياة ما تدى أبداا
مستكين
بتدى خيرها وحلوها للتعبانين
الشقيانين
إضرب بفاسك أرض حلمك
وازرعه
إرويه بعرقك وبشقاك هييجى
يوم واللى زرعته
هتجمعه
وتدوق حلاوته فرحة حلوة
ما تتوصف
إسمع يا ولدى كلمة حلقة فى
الودان
عمر التعب ما تكون نتيجته
غير حصاد
شمر سواعدك ع العمل وارمى
التكال
ده الرزق ربك يبعته من غير
سؤال
ده لأن الجهد والعرق ويا التعب
رزقه حلال
إياك تردد كلمة تضعف من
عزيمتك
أنا عمر إبنى ما كان ف يوم أبدا
عويل
إنشف يا وااد إنت اللى جدك من زمان
بنى أهرامات
إوعاك تجيب سيرة الفشل على اللسان
ما انتاش جبان
أم المسيح وقت الولادة ما استكانت
للألم أو للبكا
وجالها أمر م القدير أن هزى جزع النخلة
يعنى إعملى
دوقى حلاوة العمل أحلى رطب تمر
وكلى
وإنت فى تعداد الرجال محسوب عليهم
ولااااا إيه
يعنى القوامة تبقى ليك قوم واشتغل
بطل كسل
وانا هادعى ليك ربى يجازيك تجنى
وتحصد زرعتك
شهد وعسل
ليست هناك تعليقات:
إرسال تعليق