انا_المصري / بقلمي/ محمد_عبد_النعيم

#انا_المصري
انا المصري ودي شهادة
وعشقي لبلدي بقي عاادة
مجند رايح الخدمة
وعارف اني مش راجع
هموت مقتول بدم رخيص
رصاصة من عدو خسيس
واقف قدامي وبيضرب
وانا معييش
انا محلتيش
معايا الاكل والقلة
وعيشتي ع الحدود فلة
لو اطلب
كله من حقي
ولما طلبت كام طلقة لبندقتي
علشان ع الحدود واقف وحدي
قالولي مفيش
وف الاخر شهيد مصري
شهيد علي ايه بلا خيييييبة
انا شاهد علي حقي
علي دمي
اللي ضاع مني
وانا واقف وبتفرج
ءءءءءءءءءءءءءءءءءء
انا موظف قديم جدا وسني الجاي يكون ستين
وعندي الست تعبانة بقالها كتير
بعيد عنكم فيها سرطان
وانا الكحيان
ومقادرشي
وضيف ولدين وست بنات
بقم آنسات
بقوا ستات
وقطرة السترة هيفوتهم
عشان معييش اجهزهم
او استرهم او افرحهم
معاشي ان كفي هيكفي يدوب الست بمرضها
يدوب هيكفي سرطانها
وانا اللي فاضلي ف الدنيا يجوز شهرين
يجوز ساعتين
ءءءءءءءءءءءءءءءءء
انا العامل ف مصنع طوب
يوميتي جنيه وكام مركوب
علي راسي اذا قلت اني عايز اشرب
ومنتظر الفرج مهرب
لكنه تملي متأخر
ءءءءءءءءءءءءءءءء
انا الفلاح ابو عمة
بقاالي ف مصر ياجي مدة
عشان اثبتلهم اني
اتولدت ف مصر
اقول عمري يا ناس تلاتين
يقولوا هاتلنا اثبات
ياما تبات
هنا لبكرة
وبعده نشوف
بعده نشوف
بعده نشوف
خلاص غورو بشهادتكم
بميلادكم
ببطايقكم
خلاص غورو
بمصريتكم
عميل خاين جاسوس باين ف وسط الناس
وحبسوني
ءءءءءءءءءءءءء
انا الست اللي جوزي مات
وسابها ف وسط موج عالي بدون مركب
وعين الخلق مبترحمش
مبتسكتش
مبتسترش
انا المحتاج
انا المهموم
انا المظلوم
انا المطحون
انا المشحون
انا اللي مفيش
انا انتوا
انا احنا
وغربتنا ف مطاريحنا
كأن الفرحة متشاله لناس غيرنا
وتجاعيدنا خلاص هجرت ملامحنا
وسكنت جوا مشاعرنا
انا الدرويش
انا الشيطان
انا المجنون
انا الملعون
انا اخري اللي دايما نون
انا الطيب وانا الغلبان
انا التعبان
انا المحتاج
انا الشحات
انا المصري

#محمد_عبد_النعيم