شعر بالعامية : عينى عليك يا مصر / بقلم الكاتب / حمدى عفت

شعربالعامية : عينى عليك يا مصر
عينى عليك يا مصرطول عمرك نهيبة وتكيه
لو شوية حرامية
الكل فيك ناهب
والكل فيك واكل
والكل خد
واللى م خد
انضرب على القفا
او ترمى فى الهوا
والسبب
الجبن والانا والجهل والتغفيل
وياما قلنا وياما عدنا
وياما جدعان ماتو
واتسجنو وترمو فى مشفى الجنان
ضاعو فى كتب التاريخ
وحسرة فى القلوب مكتومة
مستنية يوم الندى
ويخرج الجدعان
يموتوا بالملاين
يكسرو السجون
ويهزمو الجنون
ويقضو على فرعون وهمان
يوحدو الصفوف ويقضو على الفتن والاوهام
وتعيش يا مصر زهرة بين الأوطان
بقلم الكاتب : حمدى عفت
موثقة وحقوق النشرمحفوظة للكاتب