زجل / ** لعبة الخير** / حربي علي شاعرالسويس

زجل
** لعبة الخير**

إتنين :
معايا في الشغل
بيقولوا
عليهم ملايكه
وأنا الل دوهل

إتنين :
إترقوا بإستثنى
عفاريت عرفت تنافسنا
لعبوا (لعبة الخير)
ودخلوا راس مهندسنا
بس
لعبوها بالعقل
إتنين
معايا في الشغل

واحد :
بيقلد الإخوان
يجري (ع الجنازة والعيان(
يعمل حفلة لل ماشي
حتى
الل ماشي فاكرو إنسان
وبعيدجدا
عن الجهل
إتنين
معايا في الشغل

والتاني :
حزب وطني
يخدم
الل مش عاوز والل مستغني
في المصالح (يبيع أبوه(
وأستاذ في التجني
ف الزمن
الل جي بالسهل
إتنين
معايا في الشغل

المهم :
الإتنين
وصلوا بالفعل
من غير ضمير بس بالعقل
مهي
مصر كلها :
في الإدارة (بايظه(
بالذات في العمل
وبضمير الكل
إتنين
معايا في الشغل
بيقولوا
عليهم ملايكه
وأنا الل دوهل

زجل
حربي علي
شاعرالسويس