لهدرة بالمعاني
للشاعر / دهيمات الوردي
اني اهوى سحر الحروف و قلبي بها ملهوف ومشغوف نكتب في الملحون و نكتب في
الموزون ونكتب في النثري لانسج شعري بشغف والذي يهمني اني اكتب لهدف
..............
محبكم .دهيمات الوردي
..............
..........................
الهدرة بلمعاني
.............................
الهدرة بالكتبة والسطر
...............
ولمعاني فيها قد لبحر
القلب مع الراس تعمر
.............
وهدرت لعرب تنقص من لعمر
يسمعك كلام كي السكر
...........
ويلا غبت عليه يضربك مورا الظهر
النية بين لعباد خسرت
...............
في بعضاهم ولاو يقراو غير الشر
ولميمة لي كي زدت فرحت
..........
تكبر تضربها ولدار العجزة تتكركر
الزوالي طول الليل يبكي
.........
لمعيشة صعيبة وعلى لولاد مقدر
والمركانتي هايم بين الدول
........
في لمعاصي غرق و زاد تودر
ولي لفوق لاهي غير بروحو
.........
كل خمس سنين يبلعط ويهدر
يقلك نحطلك العش بفروخو
.........
يشوفك ورقة في صندوق تعبر
ما بقى حب في القلوب
...........
كثير من العشاق فيه تطفر
داخلينها غير بالخرجات
...........
والعلاقة أصلا تبنات على لغدر
لبنات تعراو ولبسو الفيزوات
.........
نحاو لحياء و مبقاوش الستر
وذراري هبطو في سراولهم
...........
يمشي قدام باباه محشم ما ستعر
لعرب يقتلو في بعضاهم
.............
على الكرسي يقتل يدمر و يخسر
روح لعباد عندهم ذبانة
...............
قلوب الحكام معمرة بالشر
هنا نحبس لكلام منزيدش
............
لكلام ميخلاصش بالف سطر
لمزية كاينة الموت ولحساب
..........
وفي لخر كامل ندخلو لقبر
ليست هناك تعليقات:
إرسال تعليق